Tuesday, October 21, 2014

මතකයිද මගෙ කවිය

රතු පාට පොරෝගෙන
බහින ඉර හරස් කර
වලාකුලු කලාවෙන්
චිත්‍ර ඇදි හැන්දෑවේ
පෙන බුබුලු පුරෝගෙන
ගුමු ගුමුවේ කතන්දර
කුඹුක් මල් නලවගෙන
ගඟ ගලන හැන්දාවේ
හනික ගෙදරට දුවන
කිරිල්ලිගෙ බරසාර
ගීතයේ තනුව ගෙන
කලබලෙන් මම ලීව
ලතාවට කතාවට
මුදු සුලඟෙ තාලයෙන්
වචනයෙන් වචනෙ ගෙන
හරි හිමින් ඔබ වින්ද
හැන්දෑවෙ ආදරය
පද ගානෙ තැවරිච්ච
මං ලිව්ව ඔබ වින්ද
මතකයිද මගෙ කවිය